രണ്ട് ജീവിതപാതകള്‍

ഉണ്ടിരുജീവിതപാതകള്‍ ഒന്നുവി-

ശാലം മറ്റതോ ഇടുങ്ങിയതും

നാശത്തിലേക്കുള്ള പാതയത്രേ ഒന്ന്‍

മറ്റത് ജീവങ്കലേക്കുമത്രേ

ഏറ്റം വിശാലമാം രാജപാതയിലൂ-

ടേറ്റവുമാളുകള്‍ യാത്ര ചെയ്വൂ

നാശത്തിലാണവരെത്തുകയെന്നറി -

യാതവര്‍ യാത്ര തുടര്‍ന്നിടുന്നു

എന്നാലിടുങ്ങിയ പാത കണ്ടെത്തിയ-

തിലൂടെ യാത്ര ചെയ്വോര്‍ ചുരുക്കം

യാത്ര കഠിനമാണെങ്കിലുമെത്തിടും

ലക്ഷ്യസ്ഥാനത്തവര്‍ നിശ്ചയമായ്

മാര്‍ഗ്ഗം സുഖകരമെങ്കിലോ ലക്ഷ്യമേ -

റ്റം ദുഃഖകാരണമായ് ഭവിക്കും

മാര്‍ഗ്ഗം ദുഃഖകരമെങ്കിലോ ലക്‌ഷ്യം സു -

ഖകരമായിടും നിശ്ചയം താന്‍

സമ്പത്തിനും പ്രശസ്തിക്കും സുഖത്തിനും

പിന്നാലെ കൂടുന്നു മിക്കവരും

വ്യര്‍ഥമാക്കി ജീവിതമെന്ന്‍ ദുഖിക്കും

ജീവിതയാത്രയ്ക്കൊടുവിലവര്‍

മത്തായി 7: 13 – 14

ഉള്ളടക്കം